الخميس، 1 ديسمبر 2011

هي و هو ... حوار عقيم




قالت له بصوتها الناعم الحنون وبشيء من الدلع
  حبيبي شفت أمك شو جابت هدية لمرة أخوك عشان البنوتة الجديدة
و دون ان يرفع رأسه وعيناه ملتصقتان بالجريدة
 هو:  لاء يا حياتي شو جابت؟
هي : حلق ذهب بيجنن  " مع التشديد على حرف الجيم"
هو : والله امي ما في منها
هي : طيب بتتزكر شو جابت إلنا لمن اجتنا  سوسو أو حتى أي واحد من أولادنا   
هو : لا والله مش متزكر   
هي : اها حبيبي مش متزكر والا ما بدك تعترف انها ما جابت النا شي
هو : حبيبتي والله العظيم مو متزكر ... بتعرفيني زاكرتي مو متل زاكرتك
كمبيوتر "مع التشديد على حرف الكاف" بعدين يمكن ما كان معها فلوس وقتها
هي : طيب احكيلك شو جابت امبارح امك  لمرة اخوك التاني عشان عمليتها
هو : اها  شو جابت؟
هي : حِرام شتوي تقيل مع بيجاما الها " مع التشديد على حرف الهاء "
هو : الله يطول عمرها امي شو بتحب تعطي وكريمة
هي : اوك حبي طيب بتتزكر وئت الي انا اعملت العملية شو جابتلي
هو : وعيناه  لم ترتفع عن الجريدة
      لا يا عمري انا مش متزكر شو اتعشيت امبارح
هي : ولالالالالالالالا شي " طبعا واضح على شو التشديد"
هو : ...
هي : تنقر باصابعها على الطاولة
هو :  .......
هي :  تزداد اصابعها نقرا ليصبح ضجيجا
يرفع أخيرا نظره من على الجريدة
هو : حبيبتي مالك في شي؟؟
هي :  بدي افهم ليش عمتي بتعمل هيك !!؟
هو  : شو عملت خير فهمني !؟
هي : وقد اصبح صوتها اقل نعومة وراح الدلع
ما انا عم بحكيلك شو أنت مش معي ! ليش امك ما بتجيب النا  هدايا في مناسباتنا 
مع إني  أنا اكتر وحدة بجيب الها هدايا وحتى اسألها ورح تحكيلك صح
هو : يا حبيبتي والله امي بتحبك اكتر وحدة بعدين أنتي بنت أخوها
يعني أنتي إلي لازم اتجيبيلها
هي : اوك حبي انا ما بقصر معها وانت بتعرفني منيح بس ليش هي عم تتعامل
معنا وكأنو هي امريكا و نسوان اخوتك اليهود  وانا المسلمين
ليش ما تعاملنا كلنا متل بعض ... يا بتجيب للكل يا إما بلا 
هو : ههههههههه ما أحلاك وأنتي معصبة وعم تضربي أمثلة سياسية
هي : وقد أصبح صوتها كصفارة الإنذار
  أحمى ما عندي ابرد ما عندك ولا على بالك
هو : يا حبيبتي من عقلك عم تحكي جد أنتي مهتمة بهدية سخيفة  
هاد وأنتي الجامعية المثقفة الواعية شو خليتي للناس المتخلفة
هي : وقد أصبح وجهها يغلي كأنه بركان على وشك الانفجار
شو شايفني انجنيت يعني!؟  شو دخل التعليم بقصص متل هيك ...نعم انا
جامعية متعلمة فهمانة بطيخ مبسمر بس أنا بضل مراة عارف شو يعني مراة
هو : وأحلى مراة بالدنيا  
هي : اتهرب ..اتهرب من الموضوع ...أنت بس فهمني ليش هي بتعمل معي 
انا بالزات هيك  بدي افهم... بس افهم ليش بتجامل الكل الا احنا !؟
هو : حبيبتي أنا صارلي معاكي 13 سنة ولسى مش فاهمك .. بدك ياني افهم ليش
امي عم تعمل هيك ... والله انا ما بفهم بقصص النسوان ... طب احكيلي انتي ما
انتي على الحساب بتفهمي اد بلد
هي : اه طبعا انا بفهم ,,, بس هاي بالزات مش فاهماها
هو: يا عمري لشو هالاهتمام بهدية على الاغلب مش رح تعجبك  
هي : والله مش مهم تعجبني المهم الشعور  " مع التشديد على حرف الراء"
بعدين هاي امك لازم  تكون بتفهم على تصرفاتها  
هو : انا لا بفهم عليها ولا فاهم عليكي وانا اصلا ما بفهم .. حبي خودي هاي فلوس   
 روحي اشتري حلق ذهب وبيجاما وحرام والي بدك ياه وحلي عني منشان الله
هي : مذهولة وبعصبية شديدة
يعني انت بس هاد الي افهمته ! اني بدي هدية وخلص! ...والاهتمام ... الفضول.. الحب 
التبادل... التعامل ...المشاعر ...الاحترام ...المجاملة ... مروا عليك شي !!؟؟
هو:  والله انا وامي وكلنا بنحبك والهدية مش مقياس     
هي : وقد وصلت لمرحلة الانفجار ...  مش مقياس!!! لكان شو هو المقياس عندك 
في هيك حالة ... أنت من طول عمرك هيك لا بتفهم عليي و لابتحب تناقشني 
ولا تاخد وتعطي ولا حتى بتحس فيي 
هو: يا حبيبتي  شو صارلك !؟ مش انتي الي تغاري من نسوان إخوتي وأنتي بتعرفي
انك أحسن منهم بكل شي ...شو بدك بأمي اتجيب هدية وإلا ما تجيب هي حرة أنا
بجيبلك إلي بدك ياه بس خلص سكري هالموضوع
هي : وطبعا خلص انفجر البركان ... أنا !! " مع التأشير بإصبع الشاهد "
فلانة بنت علان خريجة أحسن الجامعات تحكي عني  هيك  ... هلاء انا صرت غيرانة 
أنا !! ... انا  اغار!؟  مين هاي الي انا اغار منها!؟ ... وعلى شو اغار  شو انسيت 
مين انا بنت مين انا .. انسيت المستوى الي كنت عايشتو ببيت اهلي ... وانسيت اديش 
متت لحتى ارضيت فيك ....الخ " الاسطوانة اياها"
هو : اه ه ه  يا ريتك ما رضيتي  
هي : والحمم البركانية تتطاير من وجهها ...  شوووو ..شو عم تحكي ...
 يا سيدي لسى ما فات الأوان  ..........
هو: يا حبيبتي مالك صلي على النبي الموضوع مش مستاهل لا تكبريه
هي: لاء مستاهل ليش ما بدك تفهمني  ليش ما تصارحني ؟
هو: بشو اصارحك شو انا مخبي شي يعني !؟
هي: والله ما بعرف هاي امك وانت ادرى فيها وبتصرفاتها
هو :  خلص بكرة بتصل فيها .... والا احكيلك لاء ما بتصل بروح لعندها وبسألها
وبستفسر منها وبحاول افهملك الموضوع ولالالالالا يهمك 
هي : لاء ما تسألها رح تعرف إني أنا حكيتلك
هو: حاضر متل ما بدك وانسينا من هالموضوع أبوس ايديك
هي : ما صدقت حضرتك ...  ..بعرف أسلوبك حافظته عن غيب ...
أنت ليش ما بدك تتفهم إني إنسانة إلي مشاعر ومهما كنت جامعية وبفهم وما بعرف
شو ... بس ممكن إني اشعر للحظة باشوية غيرة ... بالنهاية أنا مراة بس مو الغيرة 
إلي أنت فاهمها
هو : خلصينا عاد بتغاري والا ما بتغاري ؟
هي : بصوت مدوي كانه انفجار في بغداد
يعني هلا قلبت الموضوع وصار موضوعنا انا بغار... والا ما بغار
طيب وامك .. امك الي ولا بعمرها جاملتنا باي مناسبة  بالله شو اسمو هاد
هو: والله اسمو انه امي الها حق علينا مش العكس
هي : ما اختلفنا بس لشو التمييز والكيل بمكيالين
هو : هههههههههههه
هي : اضحك اضحك مهو انا عم نكت
هو: على وشك أن يشد شعره " مع انه شبه أصلع "
طب شو اعمل فلوس ما بدك احكي معها ما بدك نسكر الموضوع ما بدك
اضحك ما بدك ...يا عالم يا ناس ياااهو ... شو بدها مرتي منشان الله فهموني  
....................................................................................
احبتي القراء ممكن احد منكم  يساعد هذا الرجل ويفهمه ماذا تريد زوجته ..
وممكن  احد منكم يفسر لزوجته تصرفات حماتها.

دمتم بخير

أمل م.أ

هناك 63 تعليقًا:

  1. اموله حبيبتى صباحك ورد
    اعتقد ان الزوجه عايزه تنكد على جوزها وخلاص عمال يرضيها ويقولها اجبلك واسويلك وهى ولا هيه هنا
    النكد ده طبع منيل بعيد عنك وفى ستات كتير كده
    اما حماتها فأكيد مفيش معزه بينهم خالص
    مع سلامى لارق اموله

    ردحذف
  2. حبيبة البي هبة الحلوة
    والله هو في منو كلامك
    اصل النكد دا هواية بعيد عنك
    بس برضو يعني انتي مش متعاطفة اشوية
    مع الزوجة وانه من حقها تتسائل

    ردحذف
  3. هالمره ,, مع إحترامي
    جدن سخيفه

    مافي حدن بفرض إحترامه أو متتطلباته ع أي شخص تاني
    وبجبره يقدره متل ما بقدر التاني

    السخافه بتصير بس نقارن تصرفات حدن أصلاتن مش ملزوم فينا
    بأشياء بيعملها مع غيرنا

    أنا بحطش حالي بهيك مواقف" بايخه وسخيفه ومتدنيه" الحمدلله

    ماحدن جابر الحماه,, من أصله إنها تهدي الكناين
    الواجب والكرم والأخلاق,, على الكنه
    ولمى تتفضل الحماه بالهديه,, او اي شخص تاني
    ف هاد من كرم أخلاقه وحسن تربايته

    لو جابت كيلو موز

    وسنحه تسنحها

    وسنحه تسنح الرجال هاد,, شو باله طويل
    لوووووول


    مساءك ئشطه يا عسل

    ردحذف
  4. ام عمر
    حبيبة البي توأمي

    بجد معك كل الحق هالزلمة شو باله طويل
    وهالمراة شو زنانة
    وطبعا الحماة هي من لها واجب واعتقد ان
    المراة هنا لم تنكره
    لكن لو انتي فعلا كنتي محل هاي المراة
    وكنت انتي اكتر وحدة بتقدريها
    وكانت هي بالمقابل بتجامل الكل الا انتي
    معقولة ما تناقشي الموضوع مع زوجك حتى
    ...
    عن أبي هريرة رضي الله عنه عن النبي صلى الله عليه وسلم قال: "(تهادوا تحابوا)" رواه البخاري في الأدب المفرد وأبو يعلى بإسناد حسن

    ردحذف
  5. أموله, خديني ع قد عقلي
    لو إنها مجبوره فيني ,, وغصب عنها مفروض تعطيني هدايا ,, وقصرت,, منحكي

    يعني لو فرضنا إنتي وزوجك عم تتهادو
    وإنتي عم بتجبيله نور عيونك وكلللللللللل شي فوق طاقتك
    واخر شي يجبلك ورده
    معك كل الحق تراجعيه وتزعلي منه

    بس هيه مش ملزومه فيكي ت تجبلك شي
    وبس تجبلك,, عاد مفروض نشكرها حتى لو كانت القيمه الماديه صغيره

    وكمان,,هيه وأصلها وتربايتها وزوقها,, كيف بتقدري تحكي في هيك حيثية مع زوجك أو حتى مع حالك؟؟

    أنا ,, ومن جهتي
    بتعامل مع الناس مش كيف همه بعاملوني
    لاء
    كيف أنا شايفه إنه أحسن أسلوب لازمن اتخذه

    بغض النظر إنه ممكن الطرف التاني إيقصر فيني أو لاء
    المريض بجبله هديه والمتزوج والفرحان والناجح,, بدون ما أستنى يهاديني بالعكس

    بتصفي شغله " اصل وتربايه وحسن أخلاق "
    فهمتي عليّ؟؟

    ردحذف
  6. ههههههههههههههههههههههههههههههه

    الله يعينها
    لانه عمره ما حيفهم عليها ولو فهم ح يطنش لانه مش معقول يروح يناقش امه بموضوع الهديه

    و برضو

    الله يعينه
    لانه عمره ما حيفهم عليها ولو فهم ح يطنش لانه مش معقول يروح يناقش امه بموضوع الهدبه

    بس بيني وبينك: الموضوع بيجلط !!! ليش هالتحيّز الواضح؟؟؟

    ردحذف
  7. حوار صعب من زوجة تبحث عن المشاكل..
    كان الله في عونه...
    ولماذا هي لا تسأل أمه مباشرة، أم أن غضبها تسكبه في زوجها ههههه

    ردحذف
  8. ام عمر حبيبة البي

    والله فاهمة عليكِ بس انتي ركزتي على الهدية
    في حين ان المرأة كما يبدوا بدها تفسير
    يعني انتي متل جوزها بالزبط اعملتي... وافهمتي بس انها بدها هدية ... هي بدها
    مجرد تفسير من ناحية ... وبدها تعمل اشوية
    نكد من ناحية اخرى هههههههه

    ردحذف
  9. نيسانتي
    اه يا فاهمني انت يا حلو
    صح ليش هالتحيز الصارخ
    بس كيف الصارخ هاي ههههههههه
    لا جد الموضوع مو موضوع هدية وبس

    مع انه الزلمة مُسالم ومسكين
    بس شو بدو يعمل على رايك الله يعنيه

    ردحذف
  10. ابو حسام الدين
    بداية اتمنى انه علامة السؤال الي ضاهرة
    عندي في مربع الصورة ما يكون سببها
    مشكلة متل ما صار مع صديقنا يوسف

    سعيدة جدا بمرورك

    شوف ابو حسام لاشك انه المراة ماكان يفترض فيها
    هذا النقاش العقيم مع زوجها وهي تعرف
    ربما مسبقا ان لا جواب لديه
    لكن بما انها امه ربما توقعت ان تجد عنده جواب
    اما موضوع انها تسأل امه مباشرة
    فيبدو لي انك لم تعرف النساء جيدا بعد
    لكن من وجهة نظري فلا بأس لو فضفض
    كل منهما للاخر بين فترة واخرى بالنهاية هو زوجها
    ولا ضير ان تخبره بما يضايقها والعكس صحيح
    لكن ربما هي غاضبة جدا وهذا ما دفها لهذا الحوار الثقيل نوعا ما

    لك مني كل الود والتقدير
    كن بخير دوما

    ردحذف
  11. امل
    صديقتنا الغالية
    مساء الخير

    اول شيء شكرا لانكِ زرعتِ الابتسامة على وجوهنا جميعا
    تاني شيء نعم واضح ان مدونة الاخ ابو حسام تعاني من نفس المرض الذي الم بمدونتي قبل ايام قليلة
    ان شاء الله تنحل واذا احتجت الى اي مساعدة اخي اكتب لنا هنا وسنحاول جميعا مساعدتك والوقوف معك

    وواخيرا
    حرام عليكِ بعد 13 سنة خبرة في ثانوية عامة وبدك اياه هو يفهم عليها....حرام عليكِ

    وبعد 13 سنة خبرة في ثانويّة عامة بعده بيقرأ في نفس الكراسة ومش فهمان شي

    خلص نجحيه بالخبرة وبالتقادم
    ووديه على الجامعة

    دمتِ بخير
    والله يرضى عليّكِ ويسعدك

    ردحذف
  12. غير انه يخليها تفش قلبها و يضل هو ابرد ما عنده ما في حل .... اما واحد يبين انه فاهم التاني منيح بتكبر المشكله :)

    مسائك فل و سعاده على طول

    ردحذف
  13. تشرفت بالمرور من هاهنا
    تحيتي ومودتي
    بالتوفيق والسداد

    ردحذف
  14. لا ليست عندي مشكلة... هو فقط تغيير للصورة وقد بدلتها..

    أما معرفتي بالنساء فأعرفهن، ولكن قولي لتسأل أمها هو بمتابة قول انكاري.

    بالمناسبة الصورة أعلاه أضحكتني جدا، أحسنت اختيارها.
    شكرا لك والسلام

    ردحذف
  15. صباح الغاردينيا اموله
    هههههههههههههه
    ههههههههههههه
    يسعد لي قلبك شو حلوة حكياتك بتجننننننننننن
    <<< ( مع التشديد على حرف الجيم )
    مشان تصير رنانة هههههههه
    بجد اموله ضحكت من قلبي وحسيته حوار طبيعي وعفوي صراحة الزوج كمان بيجنن عم يسمع كلامها وبيمسك حاله لايعصب وهي بتتكلم متل الأطفال بس عنجد انا معاها في غيرتها كمان من حقها تحس بـ إهتمام حماتها وهي عمتها كمان ..بس عنجد هي ليش بتعمل هيك ؟؟
    امممم خلينا طيبين وقلوبنا بيضاء ونقول انه عملت هيك لأنها بتعتبر هاي بنتها ومابتعاملها برسمية وهدايا متل حريم اولادها ..
    مش حابه اقول انه يمكن مابتحبها هههههه بتعرفي ساعات الأقارب اسوء من الناس البعيده ..
    أما حكاية الزوج وليش مو فاهم على مرته بتعرفي ساعة مابتكون الزوجة معصبه وصوتها بيعلى ماراح يفهم شو بدها وبيضله هيك عمال يحاول يفهم عليها ههههههههههه"
    ؛؛
    ؛
    بجد راح أقرأها من تاني
    عجبتني كتير
    يسلمو احلى أحساس وجمال لقيته هون :) "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  16. هي ممكن لاقته رايق شويه ومش مهموم فحبت تفكره انها موجوده هههههههههههههههه
    ستات كتير كده ربنا يهديم والرجاله تحار معاهم طيب يعمل ايه يروح يقتل امه ويريحها ههههههههههه
    جميله قصتك وزرعت الابتسامه

    ردحذف
  17. حلو كثير هالحوار الفلسطيني القُح .. حسستيني قاعدة عند حماتي وسلفاتي ..هههههه

    عمره الصراع الأزلي ما بين الحماة والكنة ما بيخلص والضحية هو الزوج المسكين ..

    بالمناسبة حلوة الصورة كثير .. فعلا لكي تفهمي الرجل يكفيك ورقة بينما المرأة فلا يكفيها عشر كتب لتفهميها ..

    استمتعت بالقراءة ..

    كوني بخير دائما.

    ردحذف
  18. همه كده الستات سواء مامته او مراته مفيش لتصرفاتهم تفسيرات مفهومة
    انا لو مكانه اكبر دماغي منهم الاتنين

    ردحذف
  19. ابو عمر
    الله يسعد كل اوقاتك صديقنا الغالي

    اول شي انا الي بدي اشكر الظروف لانها جعلتني
    ارسم الابتسامة على وجهك وهذا شي يسعدني جدا

    وتاني شي والله حتى بالتقادم ما بيطلع اله
    ينجح لانه لساتو في مرحلة الف باء حواء
    فكيف بدك ياني وديه على الجامعة
    مرة وحدة ...الله يسامحك والا
    لانه رجل مثلك متحيز اله ههههههه
    طبعا بعرف تمام انك مش متحيز
    لطرف على حساب التاني
    ربي يحفظك من كل شر

    كن بخير دوما يا رب

    ردحذف
  20. عزيزتي ويسبر
    الله يسعد كل اوقاتك بالحب والفرح

    والله على رأيك ... خليها تفش قلبها
    مش هو زوجها يتحمل اشوية
    لمين تروح يعني ؟
    بعدين هي عم تتسائل بس عن تصرف امو

    سعيدة جدا بمرورك الجميل
    لكِ مني كل الود

    كوني بخير دوما

    ردحذف
  21. اخي كَولها
    اسعد الله اوقاتك بكل الخير

    سعيدة دوما بمتابعتك
    اتمنى ان تلقى دوما مدونتي استحسانك
    واعذرني على التقصير اخي الكريم
    لك مني كل الاحترام والتقدير

    كن بخير دوما

    ردحذف
  22. اخي العزيز ابو حسام
    بداية اتمنى من المولى جل وعلى
    ان تكون دوما بالف خير
    وادعو الله من كل قلبي
    ان تعود الينا في اقرب وقت

    مشكور على مرورك الطيب وكلماتك اللطيفة
    واعذرني لاني لم ادقق في تعليقك السابق
    جل من لا يسهو
    سعيدة جدا ان الصورة قد اضحكتك
    ربي يجعل كل ايامك سعادة وهناء
    لك مني كل الود والتقدير

    كن بخير دوما

    ردحذف
  23. احلى ريماس
    لو تشوفني اديش مبسوطة هلا على تعليقك وضحكاتك
    بجد كتير انبسطت اني قدرت ارسم البسمة على وجهك
    هو بالتاكيد حوار عفوي
    وبالتاكيد زوجته متل الاطفال لاني برأي كل واحد فينا
    جواتوا طفل صغير بيضهر بين وقت واخر
    وصدقتي جدا عزيزتي في تحليلك
    احيانا لللاسف الاقارب بيكونوا اسوء بكتير من الغرباء
    واكيد انا معك هي بتفترض لانها بنت اخوها انها هي
    الي لازم تحترمها وتودها بدون مبادلة
    يعني فرض لازم لانها عمتها

    لكِ مني كل الحب لحضورك الاسر

    كوني بخير دوما

    ردحذف
  24. eng_semsem
    اسعد الله اوقاتك بكل الخير

    هههههههه يعني انت هيك طلع معك بس
    انها بدها يقتل امه ههههههههه
    بجد ضحكتني كتير
    طيب والاهتمام الفضول والحب التبادل ..الخ
    على العموم لاشك انه حوارهم عقيم
    ولا شك انه في نساء نكدين بجد
    بس
    يعني ما فيها شي لو هي فضفضت
    اله اشوية ... بس مو كتير
    على الاقل تحاول تفهم تصرف حماتها الغريب
    لك مني كل الود والتقدير

    كن بخير دوما

    ردحذف
  25. غاليتي امتياز
    الله يسعد اوقاتك بكل الحب والخير

    مبسوطة كتير انه التدوينة عجبتك لاني ما كنت
    متشجعة الها لانها باللكنة المحلية المقدسية ...
    وعزيزتي بالفعل ترا هيك جلسات النسوان
    هون شغل فضول على كتير من الاسئلة
    على اشوية نميمة ههههههه
    وعلى رايك عزيزتي ولا بعمره الصراع رح
    ينتهي بين الحماة والكنة خصوصا عنا هون ههههه

    اما بالنسبة للصورة فانا كمان بعشقها كتير
    يعني بدها تدوينة لحالها لانها معبرة جدا عن الحال
    لكِ مني كل الحب

    كوني بخير دوما

    ردحذف
  26. استاذي العزيز مصفى سيف الدين
    اسعد الله اوقاتك بكل الخير

    بجد احيانا كتير بيكون صعب جدا على اغلب
    الرجال يتفهموا او يفسروا تصرفات النساء
    وعشان هيك على رايك
    احسن شي يكبر دماغه ويريح راسه

    سعيدة جدا بمرورك الذي تنير له اروقة مدونتي

    كن بخير دوما

    ردحذف
  27. ارثر رامبو
    الله يسعدك يا رب
    ويديم هالضحكة على طول
    حضورك الى دومنتي دوما هو الاجمل
    لك مني كل الود

    كن بخير دوما

    ردحذف
  28. أمل العزيزه الحوار جميل و واقعي جداً و أجمل ما فيه إنه بلهجه بموووووت فيها :)
    و على فكرة زوجها ده شخصيه رائعه و يا ريت كل الأزواج زيه لأن معظمهم بيتسموا بالعصبيه و النفس القصير و اللسان الطويل :) أما هو لسانه حلو و ده شئ يشفعله.
    أما هي فأعتقد إنها عايزه تحس إنها قريبة من حماتها و ليست أقل من زوجات أبناءها الأخرين.

    بوست خفيف و رائع

    تحياتي و كل الود لكي

    شيرين سامي

    ردحذف
  29. السلآم عليكم أستآذه أمل
    مسآء الخيرآت
    تأخرت بالمرور هنآ لأسبآب خآرجه عن إرآدتى
    أتمنى أن تكونى دومآ بمثل هذآ البهآء


    بالنسبه للموضوع
    هنآك العديدآت من يشتكين من سوء معآمله الحمآه لهم وخآصه إذآ كآنت قريبه لهن
    لآ أدرى حقآ سبب صريح لذلك
    لعله أن ام الزوج دآئمآ مآ تأمل أكثر وأكثر من زوجه إبنهآ القريبه منهآ أكثر من غيرهآ
    تحتآج دآئمآ أن ترى الإهتمآم الزآئد من زوجه إبنهآ لهآ
    ترى كل مآ يرضيهآ واكثر بكثير من ذلك أيضآ
    طمعآ منهآ بالمعآمله المثآليه فهى بالنهآيه ليست زوجه إبنهآ فقط وإنمآ هى إبنه إخيهآ أو أختهآ
    فتريد المعآمله الإستثنآئيه
    ولعله سبب هذآ مآ جآء بعقلى الآن

    أمآ الزو هو مثآل للزوج الهآدئ الذى يرآعى كُل من الزوجه والأم
    وهذآ مآ نحتآجه رجل يكون جدير بكلمه رجل
    أن يقف دآئمآ عآزلآ لأى مشكله وأن يخفف عن تِلك وتِلك

    رآئع نصك حبيبتى
    وربى يهدى الجميع
    قلبت مصلحه إجتمآعيه هههههههههههه


    دمتِ بآذخه وأكثر

    ردحذف
  30. غاليتي شيرين الرائعة
    اسعد الله اوقاتك بكل الفرح

    انا في غاية السعادة ان الحوار عجبك بجد
    ومعك حق والله زوجها مش طبيعي
    اغلب الازواج بيكرهوا قصص متل هيك
    وبعتبروا شي تافه وقصص سخيفة
    وهو فعلا حاول بكل جهده يمتص غضبها
    اما هي فانا معك من حقها ان تشعر باشوية اهتمام متل بقية سلافاتها

    مشكورة حبيبة البي على مرورك وكلماتك الجميلة
    لكِ مني كل الحب

    كوني بخير دوما

    ردحذف
  31. غاليتي تَرَآَنِيْل ♥ ~
    اسعد الله اوقاتك بكل الحب
    يا احلى مصلحة اجتماعية
    عجبتني هاي جدا

    والله كلامك كله صحيح
    بالفعل احيانا الحماة لما تكون قريبة جدا لزوجة الابن
    تعتبر انها ملزمة بالمعاملة الاستثنائية وانها فرض على
    زوجة الابن ولا تراعي المعاملة بالمثل
    وكثيرات من يشتكين من سوء معاملة الحماة التي تكون بالاصل خالة او عمة لهن

    اما الزوج فهو بجد اكثر من رائع ورجل لانه
    قادر على امتصاص غضب زوجته دون ان يهول الموضوع

    تحليل عميق ينم عن شخصيتك الواعية
    وقدرتك على فهم وادراك الامور بصورة واقعية
    لكِ مني كل الود

    كوني بخير دوما

    ردحذف
  32. احم احم ...
    بصرآحة لا أحب نوعية القصص هذه و التي تشبه
    كتابًا ذات مرة قرأته اسمه
    المرأةمن الزهرة و الرجل من المريخ " كما أظن " ...

    لي عودة بعد التفسير إن شاء الله !

    تحيآتي لكِ ...

    ردحذف
  33. دعاء حبيبة البي
    ممممممم بكرة بس تتزوجي بأكدلك
    ترليون بالمية رح تصيري تحبيها
    وابقي قابليني ههههههه

    ردحذف
  34. أزال المؤلف هذا التعليق.

    ردحذف
  35. أمل .. جميل ما خطته أناملك من كلمات ع صفحتي .. ياريت تشاركي فيه اليوم " ضروري اليوم " في جدارية " ادون وطني " ع صفحة الفيس بوك .. الرابط ع صفحتي .. لانه سوف يتحول إلى معرض الكتروني .. ومن الجميل ان تكون لنا كفلسطينيات مشاركة في هذه الجدارية عن الوطن ..

    ردحذف
  36. امتياز انا تركت الك تعليق طويل على مدونتك
    للاسف الشديد ليس لدي حساب على الفس بوك
    رح حاول الليلة اذا اراد المولى اعمل حساب
    اشكرك على هذه الثقة الغالية

    ردحذف
  37. ههههههههههههههههه

    حوار ماتع للغاية استمتعت كثيراً وأنا أقرأ وإن كانت هذه المرأة نكديّة ( بتشديد الياء :)

    أستاذة أمل الموزة جميلة ولونها مثير وطعمها سكر ولها قوام مذهل لكن ماذا لو حاول أحدنا أن يعدِّ الموزة ؟!!! :)
    المرأة كلها على بعضها جميلة لذلك ولنتقبلها كماهي

    قرأت كتاب الرجال من المريخ والمرأة من الزهرة وهو كتاب ماتع لطيف.
    لكي أن تتخيلي يا استاذة أمل أن هذه الزوج لا تحتاج أكثر من السكوت من الزوج والتعليق البسيط الذي يوحي لها بأنه يسمع ما تقول ويُحس بما تعاني .

    يقول صاحب الكتاب أن المرأة عندما تتضايق من شيء فتبدأ بالكلام هي لا تريد منك حلولاً بل تريد أن تسمع لها فقط وتفضفض حتى إذا أحست بأنها أخرجت ما في صدرها شعرت بالارتاح وعرت بأن زوجها يفهمها مع أنه في الحقيقة لم يقدم أكثر من إيماءات وعبارات بسيطة.

    بعض الرجال لا يفهم هذا فيحاول أن (يتفلسف) فيقدم حلول وهو لا يعلم أنه يصب الماء على الزيت


    موضوع لطيف للغاية رسم البسمة على شفتيّ بتشديد الياء :)

    كوني بخير أستاذتي

    ردحذف
  38. الرجال من المريخ والنساء من الزهرة

    ردحذف
  39. عموما يا أمل تم ما أردتي .. شاركت باسمك في التدوينتين .. في الصفحة الخاصة بالجدارية ..

    ردحذف
  40. مساء الخيرات.. استاذه أمل ...

    نفس النقاش ونفس الحوار الذي يحدث في كل بيوت العالم...وفي كل يوم..

    المرأة في أغلب الأحيان أصعب من كتاب الرياضيات...

    نحن لا نفهم النساء لأن المرأه لا تفهم نفسها ولا تدري ماذا تريد...

    أعجبني الحوار.. وأعجبتني الاسقاطات السياسية..

    تقبلي تحياتي....

    ردحذف
  41. ماجد الجهني
    اسعد الله اوقاتك بكل الفرح

    سعيدة جدا ان التدوينة اعجبتك " مع التشديد على حرف السين"
    والله صدقت يا ماجد هي لا تريد هدية ولا ما يحزنون
    هي تريد من يصغي باهتمام
    ويتفهم مشاعرها ويحتويها فقط لا غير
    هي تردك ربما الحقيقة المرة في اعماقها
    وتدرك بالتاكيد من هي حماتها وتصرفاتها
    لكن
    ان لم تفضفض الى شريك حياتها
    فـ الى من تلجأ
    اتمنى دوما ان ترتسم البسمة على شفتيك بتشديد الياء
    لك مني كل الود والتقدير

    كن بخير دوما

    ردحذف
  42. امتياز
    ربي يسعدك يا غالية لكم ادخلتي الفرحة الى قلبي
    لك مني كل الحب

    كوني بخير دوما

    ردحذف
  43. بندر الاسمري
    اسعد الله اوقاتك بكل الخير

    وانا والله اعجبني جدا تعليقك
    لانك الوحيد الذي اشار الى الاسقاطات
    السياسية البسيطة التي تضمنها النص

    اما بالنسبة الى موضوع ان المراة لا تفهم
    نفسها ولا تدري ماذا تريد
    اسمحلي ان اخالفك بعض الشيء
    فالمراة عادة تعرف بالضبط ماذا تريد
    لكن المشكلة انها تستخدم اغلب الاوقات اساليب غامضة
    لان طبيعتها ترفض احيانا ان تدخل في الموضوع مباشرة
    وتريد من الرجل ان يفهم لوحده مع بعض الايمائات
    ولان طبيعة تفكير الرجل مختلفة جدا ومباشرة جدا وجدا
    وهذا ما يتسبب في بعض المشاكل الصغيرة

    دوما مرورك يحيطني بهالة من الفرح
    لك مني كل الود والتقدير

    كن بخير دوما

    ردحذف
  44. بصراحة مطلقة
    لو كنت انا زوج الست لرميت عليها مليون طلاق مش بس ثلاثة
    بس نيالها بزوجها شكلو شايل المرارة هههههههههههههههههه
    حقيقة لا يوجد امرءة في العالم وخاصة في مجتمعنا الشرقي الا ان تحب النكد لزوجها واسألو مجرب ولا تسألو طبيب

    ردحذف
  45. صباح الورود أمل الراقية

    حوار رائع :) يكشف بعض الجوانب بعقل الزوج والزوجة

    بصراحة فهم عقلية الرجل والمرأة دائماً لغز محير

    لكن أتعلمين ..أحياناً الأنثى تفتح المجال كي يفهمها

    الرجل وكذلك الرجل حينما يصلون للعمق في الإحساس

    أسعدني الصباح هنا سيدتي

    دمتم بكل ود

    ردحذف
  46. اخي الكريم نضال النوباني
    اسعد الله اوقاتك بكل الخير

    طيب الحمد لله انها ليست زوجتك
    وانا اعترف ان بعض النساء فيهن طبع النكد
    لكن ليس كل امراة تحب النكد لزوجها
    بالنهاية هو شريك حياتها
    وراحته من راحتها
    مشكور لمرورك الطيب
    لك مني كل الاحترام والتقدير

    كن بخير دوما

    ردحذف
  47. الاخ العزيز د.ريان
    اسعد الله اوقاتك بكل الخير

    بالتاكيد الانفتاح على الطرف الاخر والصراحة
    تعمق العلاقة وتزيد كمية التفاهم
    لان الحوار هو ما يجعل كل طرف
    يفهم بالظبط ماذا يريد الاخر

    دوما يسعدني حضورك وافكارك المتالقة
    لك مني كل الود والتقدير

    كن بخير دوما

    ردحذف
  48. امل م.ا
    جذبني اسلوبك البسيط في الطرح والذي يتسلل الى العقل و القلب بالحوار الجميل .
    قرأت كلماتك التي تنتمي في ظاهرها إلى عالم بسيط و تحمل في طياتها عمق الحياة .
    مدونتك جميله ويكفي انها من قلب فلسطين - القدس .
    تحيآتي لكِ ...

    ردحذف
  49. اخي الكريم نورس
    اسعد الله اوقاتك بكل الخير

    كم ابهجتني زيارتك العطرة
    وكلماتك الصادقة
    واسلوبك الراقي
    وكم سعدت لانها نالت اعجابك
    ووصفتها بهذا الوصف الجميل
    وانا اتشرف جدا بك لانك
    من اهل غزة تاج العزة
    لك مني كل الود والتقدير

    كن بخير دوما

    ردحذف
  50. جميع البيوت العربية متشابهه ...

    على شيخ واحد ..

    ردحذف
  51. Finalway
    اسعد الله اوقاتك بكل الخير

    والله صدقت فالحوار هو والمشاكل هي
    والظروف نفسها تقريبا
    اغلب الاشياء تتكرر في بيوتنا العربية
    لك مني كل الود والتقدير

    كن بخير دوما

    ردحذف
  52. اجمل ما فى الحوار هو انه باللهجة الفلسطينية

    شعرت بالحميمية فيه

    اما ماذا تريد الزوجة
    مليش دعوة يجعل كلامنا خفيف عليهم

    تحياتى

    ردحذف
  53. حوار يرصد بذكاء و بدقّة خور الكثير من الأزواج

    و تفاهة الخلاف و مضيعة الوقت على حساب البناء الأسري

    و رفاهية العائلة ..

    شكرا على عينك الثاقبة و قلمك الصريح و الناضج !

    أحيّيك


    مدونة الزمن الجميل يسعدها دعوتك إلى جديدها:إفعل و لا حرج !


    -

    ردحذف
  54. عفوا أردت قول :

    خور الكثير من العلاقات الزوجية /

    ردحذف
  55. ابراهيم رزق
    اسعد الله اوقاتك بكل الخير

    اسعدتني زيارتك الاولى لمدونتي
    عسى ان لا تكون الاخيرة
    واشكرك على كلماتك الطيبة
    وانا ايضا احب جدا اللهجة المصرية
    لك مني كل الود والتقدير

    كن بخير دوما

    ردحذف
  56. استاذ منجي باكير
    اسعد الله اوقاتك بكل الفرح

    نعم صدقت كثيرا ما تمر العلاقات الزوجية
    بحالة من الجمود والمشكال التي لا داعي لها
    لكن في النهاية هي طبيعة النفس البشرية
    التي ترقى دوما للكمال ...والكمال لله وحده
    وكلا يغني على ليلاه ويركز فقط على النصف الفارغ

    اشكرك على تعليقك القوي وحضورك المميّز
    لك مني كل الود والتقدير

    كن بخير دوما

    ردحذف
  57. هيا عايزة تعرف لية امة ترسل هدايا الى اخواتة وهولا ما السر فى هذا ودة اللى معصبها

    بس تعرفى امل احيانا تكون هذة المجادلات بين الزوجين فرصة للحديث خصوصا هذة الايام

    تسلم ايدك على الحوار الرائع

    مع خالص تحياتى

    ردحذف
  58. الله يسعدك يا رب يا تامر
    والله معك حق حوار عقيم
    افضل من الخرس الزوجي الذي
    يصيب كثير من بيوتنا العربية

    مشكور على مرورك الطيب وكلماتك الجميلة
    لك مني كل الود

    كن بخير دوما

    ردحذف
  59. طرح ولا أروع ,, فعلآ دونتِ الحوار كما يحدث كثيرآ
    ع قدر ما ابتسمت ع قدر ما حوار الزوجة حرق دمى هههههه
    رأيى أنها زوجة مخها صغير وليس عندها اى خبرة بالواقع وتصرفات الحماوات وليس عندها حنكة الزوجة العاقلة
    وحماتها اشطر منها هههههه لأنها عرفت طبع زوجة ابنها
    فهى مادية تنظر لأمور تافهة وبالتالى من السهل اغاظتها ,,

    أرى أن تغضب الزوجة وتشكو لزوجها اذا ما جرحتها حماتها بكلمة او تصرف مهين وليس عدم اهدائها هدية مثل سلفاتها!!
    يا ريت تصرفات الحماوات تكون كلها هكذا هههههه

    اما الزوج هنا فللحق كان ممسك لاعصابه محاولآ تمشية أموره ههههه ليريح دماغه ,,

    ربنا يهدى كل زوجين لبعضهما ويهدى الاهالى ع زوجات ابنائهم وازواج بناتهم.

    ردحذف
  60. هو وهي والحماوات ...

    موال لن ينتهي الابنهاية البشرية اسطوانة اينما بحثي عنها بالمكتبات وعلى موائد الأسر وفي القصص وعلى ارفف المكتبات ستجديها هي هي وكلها مشروخة ومن نفس المكان وكأن القالب الذي صنعها بالأصل كان مشروخ .
    عني وارجوا ان تسامحيني لو تجاوزت قليلا اطراف المثلث هذا حكاية جداتنا توارثوها عن امنا حواء ولو كان لها حماة لكملت الحكاية وعرفنا اصلها من أين جاء ولكني ارجع لأقول لمن يطرب لسماع تلك السمفونية مؤلفها أطرش وملحنتها خرساء وقائد الأوركسترا الذي هو هنا هي الحماة تلوح بعصاها وتظن انها تمتلك مقادير الأمور .........

    ردحذف

  61. شركة تنظيف شقق بالدمام


    نظفي الكنب و المفروشات مع اقوي تنظيف بالبخار بالدمام , غسيل كنب بالدمام , تنظيف مفروشات بالدمام مع شركة المنزل شركة تنظيف شقق بالدمام بافضل العمالة المدربة علي كافة اعمال التنظيف بافضل الطرق الحديثة و اقوي عروض الاسعار علي كافة المنظفات العالمية التي تستوردها شركة المنزل شركة تنظيف بالدمام لافضل تنظيف منازل بالدمام , تنظيف عمائر بالدمام



    غسيل كنب بالدمام



    http://elmnzel.com/%D8%AE%D8%AF%D9%85%D8%A7%D8%AA-%D8%A7%D9%84%D8%AA%D9%86%D8%B8%D9%8A%D9%81/cleaning-dammam

    ردحذف

رأيـــك يـهـمـني جـــداااااااااااا